|
|
|
|
|
|
|
|
|
| |
|
|
|
Dooriyan Ye saja hai kis khata ki Aapki ye dooriyan Hai pareshani bala ki Aapki ye dooriyan Raatbhar jalti rahi par Aaya parwana nahin Haye re kismat shama ki Aapki ye dooriyan Imtihan hai sabra ka ye Aur junoon ki inteha Ho na rusvai vafa ki Aapki ye dooriyan Kaise bhar sakte hain woh jo jakhm phoolon se mile chot jaise ho hawa ki Aapki ye dooriyan 'Ruh' dar hai ke kayamat Aa na jaye samne jaise aahat ho kaja ki Aapki ye dooriyan Ruh (Kranti)
|
|
| | |
|
|
|
|
|
|
|
| |
|
|
|
Talash In aankhon se bahta hua har katra tera daman dhundhe Tapti dhoop me jalti hui ye dharati apna sawan dhunde Bhor bhaye bhi ghor andhera chhaya rahe mere hi ghar me Aasha ki ek nayi kiran kyon roj paraya aangan dhundhe? Phool swapn ke, Preet ka dhaga, man hi man me mala goonthi Ban - ban mala lekar apna preetam koi jogan dhundhe Jab bhi dekhu gam ko chhupakar khushiyon ka hi aks dikhaye Jhank jhank har man me meri chhaya aisa darpan dhundhe Kahin anokha ras rang hai, kahin murli ki dwanitarang hai Sadiyon se pyasi Meera har yug me apna Mohan dhundhe Kranti (Aboli)
|
|
| | |
|
|
|
|
|
|
|
| |
|
|
|
Too
Too Har saaj me tera nagma hai Aur naam tera har dhadkan me Har phool me tera chehra hai Aur jikr tera har gulshan me Har geet me hai aawaj teri Aur teri adayen sawan me Ye din Ye raat, Ye kaynaat Sab khilte hain tere aangan me Jo khwab chhupa hai palkon me Jo khayal gunjta hai man me Woh too hi to hai jiska jalwa Roshan hai meri chitwan me Tera hi roop najar aaye Jab jab main dekhun darpan me Kudrat ne khushiyan chunchunkar Bhar di hain mere daman me Ruh {Kranti}
|
|
| | |
|
|
|
|
|
|
|
| |
|
|
|
Woh kuch aur baat thi
Kabhi Hum bhi the deewane, woh kuch aur baat thi Humse hi the jamane, woh kuch aur baat thi Hum jab bhi hawaon se kahte the dil ki baaten Ban jaate the fansane, woh kuch aur baat thi Hum aanh agar bharte, pighalta tha aasman, Barsaat ke bahane, woh kuch aur baat thi Roothe kabhi jo rahte the Hum apne aap se, Aata Khuda manane, woh kuch aur baat thi Chheda jo saaj-e-dil to goonjti thi vadiyan, gati phijan tarane, woh kuch aur baat thi Jab jikr humse hota tha meena-o-jam ka, Zoom uthate the maikhane woh kuch aur baat thi Humse shuru humeepe khatam hoti thi kabhi Duniya ki dastane woh kuch aur baat thi Naaj apne uthata tha jahan aur aaj hum Jeete hain gam uthane, woh kuch aur baat thi Ae 'Ruh', ye Gazal to hui ]beeta hua kal, Kal kya ho kaun jane woh kuch aur baat thi Ruh (Kranti)
|
|
| | |
|
|
|
|
|
|
|
| |
|
|
|
Gazal
Dil-e-nadan jara tham jaa, samhal jaa too bahakne se Kahin sab raaj na khul jayen tere yun dhadakne se kahin yeh aag tumko le na doobe Gum ke sagar men, jara jajbat ke sholon ko tum roko bhadakne se abhi kaltak to unki yaad se maharum rahta tha Na jane aaj kyon badla hai yeh dil unke milne se jara badlo tum apne aap ko, kuchh faisla kar lo hawa bhi baaz aayee hai tumhare rukh badalne se Kai aise bahane hain fansa lete hain jo dilko Badi rusvaiyan hoti hain ulfat men fisalne se Bata ae maut, tere paas kuchh Nuskha-e-gum hoga Bacha sakti hai tu hi 'Ruh' ko bemaut marne se Ruh (Kranti)
|
|
| | |
|
|
|
|
|
|
|
| |
|
|
|
Payam Is dilmen koi phool khila hai abhi-abhi muzko tera payam mila hai abhi-abhi kis roshani se jagmaga raha hai ghar mera ummid ka charag jala hai abhi-abhi khilti hui kali ne muze di hai ye khabar dilka hanseen raj khula hai abhi-abhi rahon men mere phool bichhaye bahar ne yun koi mere saath chala hai abhi-abhi aaya hai chand aasman se dilmen utarke aankhon men tera pyar pala hai abhi-abhi Ruh (Kranti)
|
|
| | |
|
|
|
|
|
|
|
| |
|
|
|
Jinko hum dost apni jaan se pyare samze Apne ashkon ko woh hi tootate taare samze Saare aalam men humen chaaragar koi na mila Hamne chaha tha koi dard hamare samze Lab to khamosh rahe aur juban bhi na khuli baat aankhon se hui, dil ne ishare samze Nakhuda raaj mere janke anjaan bana na hai kashti ko pata aur na kinare samze Main to waqif hun tere dil ki har ek dhadkan se Kash too bhi to kabhi mere ishare samze "Ruh" woh banke kahar toot pade hain hampe Jinko hum apni musibat ke sahare samze Ruh (Kranti)
|
|
| | |
|
|
|
|
|
|
|
| |
|
|
|
Shairee
* Sapne aankhon ke aangan men aate rahe Geet khushiyon ke kuch gungunate rahe Hum to hathon ki rekhaon se harkar Apni taqdeer se maat khate rahe! * Ae kaash tere dard ki dawa kabhi ban jaate Choo lete tuzko aakar hawa kabhi ban jate *Yun meri mohabbat ka imtihan tum na lo Chahe nafrat se hi maro, pyar se jaan tum na lo * Na jane kaisi tadbeeron se dil hamne samhala hai Badi mushkil se is kashti ko toophan se nikala hai
|
|
| | |
|
|
|
|
|
|
|
| |
|
|
|
शिकायत ए सनम तुझसे ही करते हैं शिकायत तेरी हमको बर्बाद न कर दे कहीं चाहत तेरी
हम तो बस शाम-ओ-सहर याद तुझे करते हैं
बेवफा तू है, भूल जाना है आदत तेरी
ले गया छिनके तू मुझसे मेरा सबर-ओ-करार
फिर भी ये दिल है की करता है इबादत तेरी
तेरे बंदे हैं, तुझे अपना खुदा मानते हैं
अपनी हर सांस को समझा है इनायत तेरी
दिल तेरा, हम भी तेरे, जान तेरी, रूह तेरी
दिल की धड़कन भी मेरे पास अमानत तेरी
मैं ही तुझमें हूँ और तू ही बसा है मुझमें
'रूह' तुझसे ही करें कैसे शिकायत तेरी ?
|
|
| | |
|
|
|
|
|
|
|
| |
|
|
|
Happiness is the only good. The time to be happy is now. The place to be happy is here. The way to be happy is to make others so. Merry chrismas to all my iLander friends.
|
|
| | |
|
|
|
|
|
